Presente nga nagapabueong sa ospital makara ro daywa ka mangunguma matapos tamaan it kilat sa Brgy. Sta. Rita, Anilao, Iloilo.
Ginkilaea ro mga biktima nga kanday Rene Boy Gonzaga Jr., 18-anyos it Brgy. Dugwakan, Banate ag alyas Nonoy 13-anyos it Brgy. Pantalan, Anilao.
Base sa imbestigasyon it Anilao PNP, gapanilong ro daywa ka persona sa sangka kubo kung siin may nakakonekta nga linya it kuryente.
Nagapati ro mga otoridad nga nag-agi sa wiring ro kilat ag idto eun nakuryente ro daywa.
Sa presente, stable eun ro kondisyon it daywa pero ginareklamo nanda ro pagsakit ag pag-init it andang eawas bangud sa mga naangkon nga internal injury./JIL B. LACSON