Patay do daywang ginaeauman nga myembro it New People’s Army (NPA) sa natabong engkwentro sa Hacienda Gomez, Brgy. Sag-ang, La Castellana, Negros Occidental.
Suno sa report it 62nd Infantry Battalion (IB), 5 sa mga kaibahan ni Central Negros 1 do NPA nga andang naengkwentro ngara eamang Myerkules, Enero 17.
Nagbuhay sigon it tatlong minuto do bayluhan it eupok sa daywang panig.
Narecover it mga sundalo do daywang uwa pa nakilaeang patay nga eawas nga ginapatihang myembro it NPA.
Nabuoe sa mga raya do AR15 rifle, 1 nga homemade shotgun, kalibre 45, mga bala ag daywang backpack, mga dokumento ag ibang gamit.
Suno sa 62IB, nahitabo do engkwentro samtang nagahimo sanda it operasyon matapos makabaton it reports nga may nangungutong ag naga recruit nga NPA sa lugar.//MERIAM LUMBRES AGDIPA