MIUBOS ang dengue cases sa GenSan sa unang duha ka bulan tandi sa kaso nga natala atong 2021 sa susamang panahon. Sa datus sa City Epidemiology Surveillance Unit (CESU) sa City Health Office, gikan Enero 01 -Pebrero 18 nakatala ang siyudad og 28 ka kaso tandi sa 181 same period nakalabay’ng tuig.
Sama gikan sa tulo ka dengue death nga narekord atong 2021 karong tuiga usa lang ka dengue case ang narekord, double ang pag-ubos sa datus sa kaso sa sakit. Sa total cases, wala sumala pa’y naospital ug wala pa’y na nakumpirma nga kaso sa laboratoryo.
Nag-una sa barangay nga labing daghang kaso sa dengue mao ang Fatima nga nakatala og upat ka kaso o 14% sa kinatibuk-ang kaso sa siyudad. Gisundan kini sa Barangay Calumpang nga nakarekord usab og upat samtang tulo ka dengue cases sa San Isidro ug Mabuhay.
Luyo sa pag-ubos sa kaso, una nang miapela sa publiko si Dr. Rochelle Oco, city health officer nga imintina ang estratehiya batok sa sakit. Dugang niini, luyo sa pagpukos sa tanang Covid-19 response, gisiguro nila nga nagpadayon ang serbisyo sa mga barangay sa uban pang sakit sama sa dengue.
Nagpadayon ang pagmonitor sa 4S strategy o ang search and destroy, sayo nga pagpakonsulta, self-protective mechanisms ug suporta sa fogging sa lugar asa nakitang taas ang kaso sa dengue. I Richel Gubalani