Gi-andam na sa kadagkuan sa Police Regional Office 10 ang deployment sa ilang pwersa dungan sa gipa-abot nga pagpagawas sa listahan sa election hotspots sa rehiyon.
Gibutyag ni PNP-10 Spokesperson Police Lieutenant Colonel Michelle Olaivar nga gihulat lamang nila karon ang go-signal sa Commisson on Elections Regional Office-10 sa girekomenda nga 21 ka lugar sa rehiyon nga posibling mabutang sa areas of concern sa 2022 General Elections.
Kahibaloan nga dunay basihan nga gipagawas ang Comelec sa deklarasyon sa pagbutang sa usa ka area isip election hotspot, diin kalakip niini kung dunay history, political rivalry, mga lugar nga dunay gakahitabo nga kagubot ug ang presensya sa armadong grupo.
Una nang gipaniguro sa PNP-10 kaabag ang Armed Forces of the Philippines ug ubang ahensya sa gobyerno nga mahimong han-ay ang paglatag sa security plan alang sa malinawon nga eleksyon.