Nagtipon-tipon ro mga mangunguma it niyog sa Guimaras agud iselebrar ro pang-22nd Kalubihan Festival.
Ro aktibidad hay nakasunod sa 36th National Coconut Week celebration nga may tema nga, “Masaganang Niyugan: Katuwang Tungo sa Maunlad na Kinabukasan”.
Ro highlight it selebrasyon hay ro paglunsar it Coconut Farmers and Industry Development Plan (CFIDP) para sa Western Visayas.
Ro CFIDP hay magaserbe nga compass para sa epektibo nga pagpatuman it Republic Act 11524 o ro Coconut Farmers and Industry Trust Fund Act.
Sa idaeom it nasambitan nga plano hay ro mga programa nga mapabaskog sa industriya it niyog.
Base sa Philippine Coconut Authority (PCA) ro selebrasyon hay pagkilaea sa industriya it niyog nga may mabahoe nga bulig sa ekonomiya it nasyun./JIL B. LACSON