LEGAZPI CITY – Wara su boot ki pigpipiling edad an mga bulate. Ini an sinabi ni Legazpi City Health Office (CHO) head Dr. Fulbert Gillego sa Brigada News FM Legazpi.
Segun saiya, anuman na edad pwedesir magkaigwa kaini bako sana an mga kaakian.
Igwa su boot na mga grupo na vulnerable pag-abot sa mga bulate asin kinakaipuhan man tawanan nin atensyon.
Nagkapira sa mga ini an mga paraoma na nagtatanom ki mga gulay, mga nasa military huli ta pirmi su boot sindang nasa bulod asin naglilibot, pati man an mga indigenous people sa komunidad.
Apwera sa mga ini, vulnerable man an mga bados. Segunkay Gillego, pighihiling ninda an mga ini kun igwa nin bulate.
Asin pag nakumpirmar na igwa, tatawan sinda nin libreng deworming tablets na abilable sa saindang opisina.
Magpasyar sana su boot sa saindang opisina nganing ma-avail an nasambit na tableta.