Muling nanindigan ang Department of Foreign Affairs (DFA) na walang nangyaring kasunduan sa pagitan ng Gobyerno ng Pilipinas at ng China hinggil sa Ayungin Shoal.
Sa isang pahayag – idiniin ng DFA na tanging ang Pangulo lang ng Republika ng Pilipinas ang maaaring pumasok sa isang kasunduan, kung mayroon man.
Anila, walang ni-isang cabinet-level official ng Marcos administration ang nag-agree sa isang proposal mula sa China.
Idiniin ng Kagawaran na walang kahit na anong dokumento, na magpapatunay sa kine-claim ng Chinese Embassy.