Pinanatili pa rin ng Gobyerno ng Pilipinas sa Alert Level 2 ang deklarasyon para sa Israel.
Ito ay sa gitna ng sunud-sunod na mga strikes sa pagitan ng Israel at Iran.
Sabi ng Department of Foreign Affairs (DFA) – mananatili pa rin ang naturang dekarasyon.
Sa ilalim nito – restricted pa rin ang pagde-deploy ng mga bagong overseas Filipino workers (OFWs).
Matatandaaang nito pang Oktubre ng nakaraang taon itinaas ang alert level matapos ang pag-atake ng Hamas.