Pina-plantsa na ngayon ng Department of Social Welfare and Development o DSWD ang paglulunsad ng digital ayuda.
Sa Bagong Pilipinas ngayon, sinabi ni DSWD Secretary Rex Gatchalian na ideya ito ni Pangulong Bongbong Marcos bilang tugon daw sa nagbabagong panahon.
![](https://i0.wp.com/brigadanews.ph/wp-content/uploads/2022/09/ADV_CITRUPLUS_BACK_TO_SCHOOL-1024x1024.jpg?resize=291%2C291&ssl=1)
Sa ilalim ng digital ayuda, uunahin ng DSWD ang mga non-cash na uri ng tulong tulad ng guarantee letter na ibinibigay sa mga pampubliko at pribadong ospital.
Sa pamamagitan ng isang online portal na ilulunsad ng DSWD, dito mag a-upload ng mga pangunahing kinakailangang dokumento ang nanghihingi ng tulong tulad ng hospital bill.
Bukod dito, nakatakda ring makipag-ugnayan ang ahensya sa e-wallet para sa posibleng joint venture na makakatulong sa mas mabilis na pamamahagi ng tulong.
Bukas naman daw ang Commission o Audit o COA na repasuhin ang kanilang rules basta ipakita lang ng DSWD ang kanilang template.