WALA’Y epekto ang pag-override sa GenSan City council sa pag-veto sa appropriation ordinance no.5 series of 2023 nga nabutang og budget alang sa sweldo sa 147 job order (JO) workers sa konseho.
Kini ang gibutyag ni Atty. Franklin Gacal Jr., city administrator sa LGU dungan sa paggula sa opinion sa Department of Interior and Local Government (DILG) kalabut sa isyu. Matud ni Gacal Jr., mali ang ang pagtuo sa ‘majority’ nga miyembro sa konseho nga 10 lang ka boto ang nakuha og gideklarang override ang veto. Sa opinion nga gipagula sa DILG, aron makuha ang 2/3 votes angayang moboto pabor sa overriding ang 10 napulo ka konsehal ug bise mayor.
Sa maong opinion usab sa ahensiya, napatik nga walay gahum ang bise mayor nga mo-hire og J.O. Tungod niini, butyag sa opisyal dili makadawat og sweldo ang maong ihap sa mga JO’s sa council. Samtang, misulay ang news team nga mokuha og pamahayag kang bise- mayor Rosalita Nuñez apan wala pa niini gitubag ang atong tawag.
Una nang, gibutyag sa veto ni Mayor Lorelie Pacquaio nga ang P10 milyon nga naa sa ordinansa ang gi-revert nga pondo ngadto sa ubang mga programa sa city council, apan niini ang sweldo sa gi-hire nga JO’S. I Richel Gubalani