GIHISGOTAN sa kapulisan ug kasundalohan kauban ang opisyal sa Department of Interior and Local Government (DILG) ang sitwasyon sa rehiyon-12 alang sa taliabot nga Barangay ug Sangguniang Kabataan elections (BSKE) sa Oktubre 30. Gipresenta sa opisyal sa Police Regional Office (PRO) 12 kang Benjamin Abalos, secretary sa DILG atol sa pakigpulong sa regional headquarters Sabado sa buntag ang sitwasyon sa seguridad sa BSKE.
Asa gibutyag nga naa sa lima ka barangay sa Sultan Kudarat ang una nang, gipailawom sa areas of concerns. Matud ni Police Col. Nicomedes Olaivar Jr., Officer incharge police director sa General Santos City Police Office (GSCPO) bisan paman nalakip ang siyudad sa ‘green category’ o generally peaceful.
Padayon ang hugot nga pagbantay nila sa seguridad sa tibuok siyudad. Mokabat usab sa gatusan ka mga personahe gikan sa city headquarters ug police station ang ipakatag sa tibuok siyudad. Samtang gibawalan usa ang kapulisan nga mag-leave isip pagpangandam sa seguridad sa BSKE. I Richel Gubalani