Dili tugutan sa lokal nga panggamhanan ning syudad sa Davao ang mga dili bakunadong magtutudlo ug ubang personahe sa usa ka eskwelahan alang sa face-to-face classes.
Kini sa higayon nga itugot na sa national government pinaagi sa Department of Education ang face-to-face classes, sumala kang Davao City Mayor Sara Duterte-Carpio.
Gitino sa alkalde nga proteksyon sa mga estudyante maoy kinahanglan mauna busa kinahanglan nga fully vaccinated na ang tanang teaching ug non-teaching staff.
Hinoon positibo ang alkalde nga sa higayong sugtan na ang F2F classes malukop na sa pagbakuna ang tanang personahe sa tulunghaan kung diin base matud pa sa datus sa DepEd moabot na sa kapin 13,000 ang nabakunahan samtang kapin libo na lamang ang unvaccinated.
Kahibaluang una nang gisuspendi ni Pangulong Rodrigo Duterte ang sugyot sa DepEd nga magpahigayon og pilot testing sa face-to-face classes alang sa school year 2021-2022 ug magpadayon ang pagsunod sa blended learning. BNFM-DAVAO
