Gikahadlukan nga posibleng mahitabo ang dili ma-kontrolar nga outbreak sa coronavirus disease 2019 (COVID-19) sa Probinsya sa Bohol.
Kini subay sa pagsaka sa mga kaso sa virus sa Proinsya sa nanglabay nga mga adlaw.
Mao kini ang giangkon sa unom ka mga medical groups nga gipanguluhan sa Bohol Medical Society.
Subay niini, mipadala sila ug upat ka panid nga hangyo ngadto ni Bohol Governor Arthur Yap aron mohimo ug lakang aron maluwas ang probinsya gikan sa posibleng mas grabi pa unya nga sitwasyon dala sa covid pandemic.
Nasayran nga basi sa Bohol Interagency task force (BIATF), natala nila ang labing taas nga bag-ong kaso sa virus nga miabot sa 64 sulod lang sa usa ka adlaw niadtong Miyerkules, April 21 hinungdan nga na-alarma na ang mga otoridad.
Hugot nga giawhag ang gobernador nga maoy chairman sa BIATF nga mohimo ug programa nga mopatuman ug mas strikto nga minimum social health measures.