LEGAZPI CITY – Inikot ng provincial director ng Albay Police Provincial Office (PPo) ang ilang mga bayan at lunsod sa lalawigan upang tingnan ang kalagayan ng mga kapulisan sa pagpapapatupad ng Malasakit para sa Kaayusan, Kapayapaan tungo sa Kaunlaran (MKK=K) at ROaD to Kaunlaran.
Ayon kay PCol. Fernando Cunanan, Jr., mas papalakasin nito ang police visibility sa lalawigan para sa pagpapanatili ng “peace and order”.
Tiniyak naman ng Albay PPO na maayos ang pagkakalatag sa mga kapulisan na kanyang nasasakupan.
Pinuntahan at kinausap nito ang mga kapulisan na nakatalaga sa mga lansangan, at binigyan ng ilang gabay upang lalong mapaigting ang pakikipag-ugnayan sa mga mamamayan at matiyak na maayos at tahimik nilang magagampanan ang kanilang tungkulin na panatilihin ang kaayusan at kapayapaan sa kanilang areas of responsibility.
Bahagi ito ng mas pinalakas na pagpapatupad ng dalawang nabanggit na programa, na susi para sa pagsasakatuparan ng mithiin ng Albay PPO.