NEGATIBO ang resulta sa DNA evidence nga nakolekta sa gikan sa unom Persons of Interest (POI) sa pagpatay sa 7-anyos nga si alyas Arian. Kini ang DNA analysis nga gipresenta ni Patrolman James Andrew Rosios, personahe sa Regional Forensic Unit (RFU) 12 sa konseho.
Matud ni Rosios, base sa analysis wala nag-matched ang mga DNA sample nga nakuha sa gihimong Buccal Swabs.
Lakip sa mga nakuhang samples sa mga sanina, shorts ug ubang makonsiderang ebendensiya sa unom ka POI.
Marso 18 ning tuiga, mipailawom ang unom ka personalidad sa buccal, kini lima kaadlaw human napalgang patay si alyas Arian sa bakanteng lote sa Purok Malinawon, Barangay Conel dili kaayo layo sa gipuy-an sa bata. Luyo sa resulta, gibutyag ni Police Major Robert Fores, hepe sa Mabuhay Police Station nga maoy naggunit sa kaso.
Ipasaka nila ang kaso sa piskalya batok sa tulo ka POI nga mao ang 24-anyos nga si Alyas Poy-Poy nga ulahing nakita nga kauban sa bata.
Lakip si alyas alfi, 54-anyos nga kapuyo sa lola ni Arian nga si Gina ug nagkutlo sa kinabuhi nga si 76-anyos nga si Alyas Ingko.
Dungan sa gigunitang testimonial ug circumstantial evidence sa kapulisan usa na diri ang pamahayag sa minor de edad nga maoy nakakita sa tulo nga misulod sa usa ka balay. I Richel Gubalani