Inilabas na ng Department of Health ang mga panuntunan hinggil sa pag-gamit ng COVID-19 test kits sa bahay.
Ayon sa Department of Health, ang self-administered antigen tests ay para lang sa mga may sintomas sa loob ng pitong araw mula sa pagsisimula nito, kung hindi available ang RT-PCR.
Giit ng ahensya, ang test ay hindi ideal para sa mga close contacts o sa mga walang sintomas.
Dagdag ng DOH, ang mga positive antigen test result, basta’t maayos naman na na-administer, ay kailangang ireport sa barangay health officials.
Kaugnay nito, pinapayuhan ang mga nagpositibo sa naturang test na agad itong mag-isolate, at ipaalam sa close contacts na sumailalim rin sa quarantine.