Subling nanawagan ang Department of Health (DOH) Davao sa mga inahan nga nagapasuso sa ilang mga anak nga magpabakuna na.
Sumala kang Dr. Raquel Montejo, DOH-Davao Local Health Support Division chief, mamahimong mahagatan og proteksyon sa inahan ang bata sa higayon nga mabakunahan kini sanglit makuha usab sa bata ang benipisyo sa bakuna.
Gipasabot sa opisyal nga luwas ang bakuna alang sa inahan nga nagapa-breastfeed lakip na sa mga mabdos apan kinahanglan nga himuon kini atol sa iyang ikaduha ug ikatulo nga trimester.
Gitataw usab sa health official nga ang mga breastfeeding mothers nga symptomatic mamahimong pa gihapon nga makapasuso sa ilang anak basta kay magsuot lamang kini ug face masks ug face shields. BNFM-DAVAO