Nakit-an na kagabii pasado alas 6:50 sa may Maco-Madaum area ang usa ka doktor nga una nang gika-report nga na-missing.
Si Dr. Carlito Panganoron, ang tag-iya ug Presidente sa Wrestlemind Mind Review Center ug mao usab ang Criminal Justice Department Program Head sa Mati Polytechnic College Inc.
Nakaplagan ang maong biktima sa usa ka concern citizen sa nasangpit nga area nga nakahugaw ug nagpungko sa nasangpit nga lugar.
Gikaingong gitulis sumala pa ang maong doktor, ug maayo na lamang kay wala siya patya sa mga tulisan.
Una nang nanawagan sa publiko ang tunghaan sa Mati Polytechnic College Inc. kung kinsa man ang dunay kasayuran sa gikahimutangan ni Panganoron.
Padayon usab ang gihimong imbestigasyon sa otoridad kalabotan sa maong panghitabo.