GIPANGAYO karon sa Department of Labor and Employment (DOLE) 12 ang pakigtinabangay sa publiko aron batukan ang child labor.
Human giangkon sa opisyal sa ahensiya nga pabiling problema ang child labor sa rehiyon nga nanginahanglan og igong atensyon. Kini usab ang hinungdan sa planong pagre-activate sa Regional Council Against Child Labor (RCACL), butyag ni Joel Gonzales, regional director sa DOLE-12.
Datus sa DOLE-12, ang Soccsksargen region nga ang ika-pito nga rehiyon sa nasud ang nakatala og labing taas nga kaso sa child laborers nga naa sa 160,288 ka kaso. Ang rehiyon ang gilangkuban sa probinsiya sa Sultan Kudarat, South Cotabato, Cotabato, Sarangani ug siyudad sa GenSan, Kidapawan ug Tacurong City.
Samtang mokabat na usab sa 11,045 ang na-profile na sa DOLE-12. Nagtuo si Gonzales nga angayang matubag ang isyu sa kapobrehon, kakulangon sa edukasyon, cultural norms ug huyang nga pagpatuman sa labor laws. Sa taho, nakita nga child labor sa rehiyon ang naa hazardous work sa agriculture ug mining hangtud na sa domestic labor ug commercial sexual exploitation.
Sagad usab kanila ang napugos sa pagpanrabaho sa taas nga oras ug sagad sila ang expose sa physical, emotional ug psychological harm. I Richel Gubalani