NAGPAHINUMDOM ang Department of Labor and Employment (DOLE) 12 sa mga employer sa pagpatuman sa 2nd tranche nga salary increase sa trabahante nahimong epektibo atong Enero 1.
Butyag sa DOLE-12 kinahanglan nga madugangan og P13 ang sweldo sa mga trabahante gikan sa maong petsa. Nasayran nga una na nga gipatuman ang unang tranche nga P22 nga umento sa sweldo alang sa minimum wage earners sa mga pribado nga kompanya sa Soccsksargen region atong Oktobre 16, 2023.
Sa bahin ni Joel Gonzales, regional director sa DOLE-12 gipalig-on sa national wages and productivity commission ang wage order no. 23 nga gipagawas sa Regional Tripartite Wages and Productivity Board (RTWPB) ang maong kamanduan rason nga angay kini nga ipatuman. Pahinumdom sa opisyal nga mag-atubang sa tukmang kaso ang mga employers nga wala nisunod sa bag-ong wage order. I Richel Gubalani