LEGAZPI CITY β Pigklaro kan Department of Labor and Employment (DOLE) Bicol na bako man regular holiday an Nobyembre 1 o an All Saints Day.
Katakod ini kan mga nareresibeng kahapotan gikan sa mga empleyado dapit sa sistema kan pasweldo sa tulong haros magkasurunudan na holidays puon kan eleksyon kan Lunes hasta sa undas kan Miyerkules asin Huwebes.
Sa intrevista kan Brigada News FM Legazpi kay DOLE Bicol Regional Spokesperson Johanna Vi Gasga, sinabi niya na dai man nagin regular holiday an Nobyembre 1, kundi special non-working holiday sana.
An palatandaan segun kay Gasga, kun kulay pula an petsa na mahihiling sa kalendaryo, boot sabihon regular holiday ini.
Alagad kun hihilingon sa kalendaryo, mayo man ining kulay pula na highlight.
Boot sabihon, bako ini double pay, kundi an mga empleyado entitled sana nin 30% na dugang sa saindang aldawang sweldo.
Mientrastanto, an special non-working holiday, dai sana para sa Nobyembre 1 kundi epektibo man pati kan eleksyon kan Oktubre 30 asin All Souls Day kan Nobyembre 2.