Sulu Province – Arestao el dos miembro del Abu Sayyaf na Joint Law Enforcement Operation que ya conduci el Joint Task Force Sulu y Philippine National Police na Provincia de Sulu.
Asegun con el Commander del Joint Task Force Sulu Major General William Gonzales con el mga arestao miembro del ASG ya puede identifica amo canda Akkang Suraili Omaron residente de Barangay Tukay ,Jolo y si Mardan Dammang Jamasali de Barangay Latih Patikul na Provincia de Sulu.
Si Gonzales ya habla tiene concierne persona el quien ya reporta na militar sobre con el presenci del dos terorista y cuando ya puede con estos aresta ya puede confisca con mga components que ta hace explosiva.
Asegun tambien con el Commander del 15CMO Lt. COL. Nelicar Corsino canda Omaron y Jamasali amo asegun maga supplier del IED components durante el twin bombing del Agosto 24 anio 2020 na Jolo.
El dos arestao miembro del ASG ta enfrenta ahora el caso na corte por el violacion del Acto Republica 1059 o el The Comprehensive Firearms and Ammunition Act y el Acto Republica 9561 o el Illegal/Unlawful Posession Manufacture, Dealing in acquisition or disposition of Firearms Ammunition or Explosives.
Mientrastanto el mga arestao miembro del ASG bajo ya na custodia del Militar.( Brigada Kit-Kat)