Madali eon lang makaangkon it kaugalingon nga learning facility ro mga law students it West Visayas State University sa Iloilo City nga igatukod it Department of Public Works and Highways (DPWH). Ro nasambit nga building hay naging posible pinaagi it inisyatibo ni First Lady Atty. Maria Louise Araneta Marcos, nga sambilog man sa mga faculty it nasambit nga kolehiyo.
Ro ₱400-million nga facility hay ginpondohan sa idaeum it DPWH FY 2024 General Appropriations Act (GAA), nga ginaeakipan it pag-construct it 4-storey building nga may total area it 3,456 meters ag approximately 864 square meters per floor.
Ginaeakipan man raya it six (6) theater-type, airconditioned classrooms, two (2) Moot Court rooms, sangka Auditorium, Arbitration/Training room, Review room, Conference room, ag Faculty room.
Raya hay sangka state-of-the art facility nga makabulig sa mga estudyante nga maabot ro andang mga handum nga maging abogado. // ANN DESLENE SALAZAR