Nagsabat eon ro DPWH kaangot sa problema it pagbaha sa isla it Boracay.
Base sa facebook post ni Malay Sangguniang Bayan member Alan Palma Sr., naghimo imaw ag si SB member Vicky Aguirre it sangka resolusyon nga nagahinyo sa Department of Public Works and Highways it technical assistance, planning ag design it infrastructure ag pondo para sa flood control project sa banwa it Malay.
Nasayuran nga nagtaeana it kabilugan nga P235 million nga pondo para sa nasambit nga proyekto nga paga umpisahan ro pagpaubra sa 2024. // ANN DESLENE SALAZAR