GITURN-OVER na sa Criminal Investigation and Detection Group (CIDG) sa Sarangani ang ilang Provincial field building.
Matud ni Police Col. Marvin Marcos, Regional Chief sa CIDG-12 dako kini og tabang alang sa ilang mga personahe ug mga piniriso.
Asa ang maong building ang labing una sa Mindanao nga standard CIDG building.
Gikan usab sa Congressional office sa buhatan ni Congressman Steve Chiongbian Solon ang pondo nga gipanaog sa Department of Public Works and Highway (DPWH) alang sa konstruksyon.
Dugang ni Marcos, naa sa P10 milyon ang gigahin nga pondo aron mapatukod ang maong building.
Ang building ang two storey, dunay conference room, investigation room,detention cells ug uban pa.
Gibutyag usab sa opisyal nga sa presensiya sa building, mas pakusgan pa nila ang kampanya batok krimen sa maong probinsiya. I Richel Gubalani