Andam atubangon sa truck drayber nga si Clement Mugato ang mamahimo unyang kaso nga ipasaka batok kaniya nunot sa natigayong duguong disgrasya nga gikamatay sa usa ka delivery rider Sabado sa buntag.
Sumala sa drayber nga aksidente ug wala tuyua ang nahitabo busa nangayo kini og pasaylo sa nadamay sa hitabo.
Gisaysay niini nga sa dihang namatikdan niya nga wala na migana ang brake iyang gilikay ang truck sa daghang mga sakyanan nga iyang gisundan og gibangga sa poste nga anaa sa pikas linya.
Apan nadamay ang usa ka kolor blue nga kotse nga dunay mga sakay nag nakahiagom og grabeng mga samad sa lawas samtang nadamay ang laing motorsiklo nga gimaneho sa usa ka Arman Quarez Bonleon nga nakabsan human nalambos ang lawas.
Gani gawas sa mga pahinante sa kotse nga nasamdan og pabiling giatiman sa ospital, nasamdan usab ang asawa niini nga nga padayon usab gitambalan.
Si Mugato ang temporaryo karong gikustudiya sa Talomo Police Station samtang naggulat kung unsay sunod lakang nga himoon sa mga biktima.