SIKOP ang usa kalalaki sa kasong pagpatay sa hiniusang operasyon batok sa Most Wanted Person sa Diego Silang, Western Bicutan , Taguig City, kaniadtong Mayo 30 ning tuiga.
Giilang si RAMIL LUMARAY CUBAR, (Top 1 Most Wanted Person, Municipal Level) 44 anyos, minyo, drayber sa traysikol, temporaryong nagpuyo sa Side Western Bicutan, Taguig City, ug lumad nga Barangay Mansawan, Don Victoriano, Misamis Occidental.
Timbong sa otoridad ang suspek, sa pagtinabangay sa Don Victoriano MPS og sa koordinasyon sa Taguig City CPS, pinaagi sa Warrant of Arrest, nga giisyu ni Hon Sylvia Singidas- Machacon, Presiding Judge sa RTC, 10 Judicial Region, Branch 16, Tangub City, Misamis Occidental, alang sa kasong pagpatay nga wala’y girekomenda nga piyansa.
Ang suspetsado naa karon sa kustodiya ni Don Victoriano MPS alang sa tukma nga disposisyon.(Jean Ruben)