Giuyunan sa pipila ka drayber sa GenSan nga mogamit og ‘breath analyzer’ ang mga personahe sa traffic enforcement unit kon TEU aron makompirma kung nakainom og bino ang drayber nga malambigit sa bangga.
Sumala ni Enrico Tomaro, dako nga tabang ang maong gamit alang kanila nga mga drayber gumikan masayran dayon sa kapulisan kung sila lango sa ilimnon samtang nagabiyahe , makatabang usab kini nga molikay na ang mga drayber sa pag-inom og bino sa pagpamasada aron masiguru ang kaluwasan sa mga pasahero.
Kahibaluan una nang mihangyo si PMajor Oliver Pauya, hepe sa TEU sa LGU nga mahatagan sila og breth analyzer aron aduna silay magamit sa pagrespondi sa mga bangga ug masuta ang sitwasyon sa mga drayber. Sa karon naghulat pa ang opisyal sa mahimong tubag sa LGU kalabutan sa ilahang hangyo.