Pilas sa dughan ang naangkon sang isa ka driver matapos ginlabo sang kasubong man nga driver sa Brgy. Dolores, Dumalag, Capiz takna alas 10:55 kagab-i sang Huwebes, Mayo 9.
Ginkilala ang biktima kay Vincent Florino, 41-anyos samtang ang ginatudlo suspek amo si Rufino Feril, 41-anyos, lunsay mga residente sang nasambit nga lugar.
Sandig sa imbestigasyon sang Dumalag Municipal Police Station, nagainom-inom sang makahulubog nga ilimnon ang biktima sa balay ni Rodel Feniquito kaupod ang pila sini ka mga abyan sang hinali lang nag-abot ang suspek kag ginlabo ang biktima.
Gindala ang biktima sa Tapaz District Hospital apang sa ulihi gin-transfer sa Western Visayas Medical Center para nagakaigo nga pagbulong. Samtang ang suspek ang gin-aresto sang duha ka tanod kag gin-turn over sa mga pulis nga nagresponde.
Narekober man ang 23 inches nga sanduko nga amo ang gingamit sa pagpanglabo. Sa karon, nagapabilin na sa Dumalag MPS ang suspek para sa nagakaigo nga disposisyon. | Judy Ann Juare