Nagpahimatngon an buhatan han Department of Social Welfare and Development (DSWD) Field Office 8 ha publiko nga maghirot ngan mag-ikmat ha mga nagsasarang nga post bahin ha “DSWD 10k Cash Assistance”.
Mahugot nga gintagan hin duon han buhatan nga ini in waray kamatuoran ngan waray kalabutan ha DSWD.
Ginpapahinumdom naman ha publiko nga an DSWD Assistance in naagi ha aprubado nga proseso ngan ha otorisado nga mga personahe han DSWD.
Magin wais ngan deri ngadaw dayon tumapod ha mga post nga deri nagtikang ha otorisado nga tawo sugadman, gin-aaghat an publiko nga dayon ig-report an mga post gamit an Report option ha mga social media sites agud maundang an pagsarang han mga sayop nga impormasyon.
Dugang pa han buhatan nga pumakadto la ha opisyal nga social media accounts han DSWD Eastern Visayas para tagsa pamakiana.