DSWD, naglunsad ng online mental, psychosocial assistance sa NCR, 2 regions

Naglunsad na ang Department of Social Welfare and Development (DSWD) ng online platform para matugunan ang mental health concerns at magbigay ng psychosocial assistance sa Metro Manila at dalawang iba pang rehiyon.

Ayon sa DSWD, inilunsad nila ang “Wireless Mental Health and Psychosocial Support for Individuals and Families Affected by COVID-19 and other Crisis Situations” o WiSUPPORT upang ang konsultasyon at counseling ay mas accessible sa mga tao na may pinagdadaanang mental o psychosocial issues sa panahon ngayong ng pandemya.

Dagdag ng ahensya, kinuha ng WiSUPPORT ang e-mailing services, web portals, DSWD’s website, telephone, at mobile applications sa mga pilot areas sa National Capital Region, Central Visayas, at Caraga Region.

Paliwanag ni Secretary Rolando Bautista, nabuo ang WiSUPPORT dahil sa laging pagkabahala at takot na mahawa ng COVID-19 at economic concerns para sa pamilya, mga mag-asawang may family conflicts at disasters sa gitna ng pandemic na nagdulot ng anxiety, mental, at emotional distress sa maraming tao.

Samantala, para sa mga gustong magpakonsulta, maaring mag-contact sa WiSUPPORT sa pamamagitan ng:
Call Hotlines: 0947-482-2864 (Smart), 0916-247-1194 (Globe)
Text Hotline: 0918-912-2813
Email: [email protected]
Website: ekwentomo.dswd.gov.ph
Google Play Store application: https://play.google.com/store/apps/details?id=com.cudavasol.wisupport // MHEL PACIA

Leave a Reply

Your email address will not be published. Required fields are marked *