Pinaalalahanan ng Department of Trade and Industry (DTI) ang publiko na suriing mabuti ang mga binibiling Christmas lights upang masigurong ligtas ito.
Ayon kay Marian Pearl Ibasco- Mendoza, bago bumili ay siguraduhing mayroon itong product standards markings.
Mayroon umanong verification app na mada- download sa cellphone na maaaring gamitin sa pag scan ng produkto at malaman kung ang product standard markings ay peke o hindi.
Kadalasan ay may inilalabas ang DTI na listahan ng mga certified brand ng Christmas lights.
Ito ang mga pailaw na may Philippine Standard (PS) certifications marks o kaya naman ay Import Commodity Clearance (ICC) stickers.
Kapag mayroon ng mga nabanggit ay patunay ito na dumaan ang mga produkto sa tamang proseso ng safety standards ng ahensya.