MISURENDER sa kapulisan ang duha katao nga gituohang miyembro sa New People’s Army (NPA) sa Kiamba, Sarangani Province.
Matud ni Police Brig. Gen. Jimili Macaraeg, regional director sa Police Regional Office (PRO)12 ang duha nga miyembro sa NPA’s Guerilla Front 73-MUSA ilawom sa Far South Mindanao Region (FSMR).
Giila ni Macaraeg ang misurender nga silang alyas Ramel, 36 ug John Mark, 24-anyos, nagpuyo sa Purok Rattan sa maong munisipalidad. Dugang sa kapulisan, bitbit sa duha sa ilang paggtahan ang duha ka homemade shotgun, bala ug usa ka granada. Subling giawhag ni Macaraeg ang ubang miyembro sa communist rebels nga mobalik na sa sabakan sa gobyerno. Asa gisiguro nila nga mahatagan og tabang ang mga nasangpit aron makaangkon og bag-ong kinabuhi human sa pakigbisog batok sa gobyerno. I Richel Gubalani