Makonsiderang cleared na ang duha ka kaso sa pagpamusil sa area of responsibility sa Makar Police Station kini ang gibutyag ni PMaj. Robert Fores hepe sa maong presinto.
Subay sa impormasyon gikan sa maong opsiyal nga may napasakaan na og kaso sa pagpamusil sa usa ka gwardiya sa Barangay Sinawal kaniadtong June 16, 2023.
Kini human nga nakahatag na og statement ang biktima kalabot sa maong insidente.
Sa bahin usab sa kaso kalabot sa pagpusil sa duh aka ex-convic nga silang Ramonito Evangelista ug Agustin Navarrete Gonzales nga gipusil patay sa Marcos Highway Barangay Apopong kaniadtong Hunyo 28 gibuytag niini nga dili na interesado magpasang-at og kaso ang pamilya sa duha ka biktima og magpabilin nalang magpakahilom kalabot sa maong krimen alang sa ilang siguridad.
Sa karon gibutyag ni Fores nga sa iyang pagpangatundanan, wala na’y unsolved cases sa Makar Police Station sa mga nahitabong pagpamusil.-MJ Fernandez