Nakumpiska sa mga sakop sa Davao City Police Office (DCPO) ang dul-an Php300,000 kantidad sa gituohang shabu sulod sa 24 oras nga kampanya batok iligal nga droga, gikan Mayo 6 hangtod Mayo 7 ning kasamtangang tuig.
Nunot kini sa padayong paningkamot sa kapulisan, ilawum sa pagdumala ni DCPO, City Director, Pcol Richard Bad-ang, diin malampusong nasikop ang lima (5) ka drug suspek atol sa duha (2) ka managlahing anti-illegal drugs operations.
Atol sa operasyon, gibana-banaang nakuha sa mga dinakpan ang kinatibuk-ang 42.56 grams sa gidudahang shabu nga mubalor sa Php289,408.00.
Tingkagol na karon sa prisohan ang maong mga dinakpan ug gihikay na ang pagpasaka og tukmang kaso kalabotan sa iliga nga droga batok kanila.
Gipasalig usab sa DCPO nga ilang doblehon ang pagpaningkamot aron ilhon ug dakpon ang mga nagkupot og iligal nga droga sa syudad sa Davao.