Wala na nadala pa sa ospital ang usa ka lalaking mentally ill o dunay sakit sa pangutok human kini nahit and run pasado alas kwatro sa kadlawon kagahapon sa Km. 10, Sasa, Davao City.
Subay sa impormasyon gikan sa Sasa Police Station, ang wala mailhing biktima nagbuy-od na kilid sa dalan og dunay mga lakra inagian sa tire.
Busa nagtoo ang kapulisan nga na-hit and run ang lalaki nga yano rang gibiyaan kilid sa dalan og walay nakakita sa insedente.
Bisan pa man niini, gisubay sa imbistigador ang mga establisyemento hadool sa lugar nahitabuan aron subayon kung nakuhaan sa CCTV ang panghitabo.
Ang maong lalaki ang kanunay matud pa namatikdan sa lugar nga maghubo ug magyawyaw tunga sa dalan. BNFM-DAVAO
