Sinibak sa pwesto ni Pangulong Rodrigo Duterte si National Electrification Administration (NEA) Administrator Edgardo Masongsong dahil sa isyu ng korapsyon.
Ang desisyon ng pangulo ay kasunod ng rekomendasyon ng Presidential Anti-Corruption Commission (PACC).
Ayon kay Duterte, ito ang patunay na sinisikap ng gobyerno na matigil ang korapsyon sa buong bureaucracy.
“Endemic ang corruption but from time to time, eto. I’m given the opportunity to show to the people again, we are not bragging about it but we are trying our best to cope u with the situation regarding graft and corruption in our government,” saad ni Duterte.
Una nang sinabi ng PACC na naghain na sila ng kaso laban kay Masongsong dahil sa umano’y pagpapahintulot sa electric cooperatives na magbigay ng pondo para sa kampanya ng isang party-list noong 2019. // MHEL PACIA-TRINIDAD