LEGAZPI CITY – Tinawan-doon ni Committee on Transportation, Communication and Public Utilities Board Member Reynaldo Bragais na an mga e-bikes asin e-trikes dae masalida sa mga padyak sa siyudad nin Tabaco.
Ini an saiyang sinabi sa nakalihis na sesyon regular kan Sangguniang Panlalawigan ng Albay.
Sa simbag ni Bragais kay Hon. Vince Baltazar sa committee reports, an e-bikes bako senyales nin modernisasyon o pagbabago sa siyudad, kaya an mga nagpapadyak dai dapat mahandal.
Sa pagdakol nin numero kan e-bikes asin e-trikes, magigin magabat an bulos kan trapiko orog na kun warang regulasyon sa paggamit nin huli ta dati nang nasa main road an mga padyak.
An mga behikulo su boot na ini, pribadong gamit kan mga tawo asin wara nin anuman na ordinansa tanganing tuyawon sa tinampo.
Segun pa kay Bragais, magkaiba an rules asin regulations kan e-bikes sa mga motorsiklo na dapat utubon kan mga publiko.
Mientrastanto, magkakaigwa man nin separate committee hearing an mga board members kan syudad para sa pinal na desisyon sa paggamit kan e-bikes. | 𝘽𝙧𝙞𝙜𝙖𝙙𝙖 𝙄𝙣𝙩𝙚𝙧𝙣𝙨 𝙃𝙖𝙣𝙣𝙖𝙝 𝙅𝙖𝙢𝙞𝙡𝙖 𝘽𝙞𝙩𝙖𝙜𝙤 & 𝙁𝙧𝙖𝙣𝙠𝙡𝙞𝙣 𝘽𝙖𝙣𝙖𝙮𝙤