Arestado kabii sa ginkasa nga drug buy bust operation sa Brgy. San Isidro, Ibajay ro sangka eaeaki nga ginasugid nga pusher it ilegal nga droga.
Sa gintingob nga pwersa it Ibajay PNP, Provincial Drug Enforcement Unit (PDEU) ag Regional Intelligence Unit 6 (RIU 6) naaresto ro suspek nga si Barie Barrientos alias “Barie” 28yo ag residente it Brgy. Unat, Ibajay, Aklan.
Nakumpiska halin kay Barrientos ro 7 plastic sachets it suspected shabu kabaylo it P1,000 nga buy bust money.
Posibleng maga pangatubang sa kasong pag eabag sa RA 9165 o Comprehensive Dangerous Drugs Act of 2002 ro suspek. // ANN DESLENE SALAZAR