Padayun nga gina obserbahan makarun sa Aklan Provincial Hospital ro sangka eaeaki matapos raya nga bunaeon it baseball bat sa Brgy. Tambak, New Washington, Aklan.
Ginkilaea ro biktimang si Albert Merced 29yo ag residente it Sitio Dumlog, Brgy. Tambak, samtang ro suspek hay ginkilaea nga si Niño Rembulat nga padayun pang ginausoy sa makarun.
Sa report, pauli eon ro daywa halin sa sangka inuman kung siin, nakaangkon segun it owa pagkaintindihan sa tunga it daywa rasun agud bunaeon it suspek it baseball bat sa ueo ro biktima. // ANN DESLENE SALAZAR