Ginharang sa Caticlan Jetty Port ro sangka eaeaki bangud segun sa pag eabag kara sa Article 178 it Revised Penal Code o “Using of Fictitious Name and Concealing True Name.
Ginkilaea ro nasambit nga persona nga si Mubarak Unos y Dalidig, 35yo nga taga Sta. Cruz Davao Del Sur.
Natabo ro insidente ku Marso 8, 2024 bandang alas 3:10 it hapon kung siin nag abot sa nasambit nga jetty port si Unos para makasueod sa isla it Boracay.
Pero sa pag beripika sa anang mga dokumento nga ginpresenta, napansin nga bukon it raya ro anang matuod nga identification card.
Bangud kara hay ginharang ro nasambit nga eaeaki para sa nagakaigu nga disposisyon. // ANN DESLENE SALAZAR