Kulong ro sangka eaeaki matapos raya nga magwala sa may Sitio Tugbungan Brgy. Pook, Kalibo, Aklan.
Natabo ro insidente kabii kung siin, samtang may nagainuman sa baeay ni certain Mac-mac, gulpi eon lang nag abot ro suspek nga si Joel Naral 49yo nga residente it Brgy. Andagao, hilong raya ag may daea nga bolo.
Ginsumbilan segun it inom ro suspek it sambilog sa mga nagainom igto pero nagbalibad raya. Bangud kara hay ginhambaean eon lang imaw nga umuli eon lang ay nagahueat ro anang asawa.
Ginkaakig raya it suspek ag dikara eon nag umpisa nga makaangkon it komosyon.
Insigida man raya nga ginrespondehan it Kalibo PNP ag ginkustodiya ro suspek ag narekober kana ro bolo. // ANN DESLENE SALAZAR