Uwa eun it kabuhi do isaeang kaeaeaki matapos bun’on it pitong beses sa magkaeain eain nga parte it anang nga eawas sa Brgy, Alangan, Sibalom, Antique.
Ginkilaea do biktima nga si Rodney Napagao, mangunguma ag residente it nasambit nga lugar.
Suno sa imbestigasyon, nakipaginuman do biktima sa baeay it ana nga tiyo ag habang pauli eun raya hay gin abangan imaw it uwa pa nakilaea nga suspek ag kato nahitabo do krimen.
Nagaguwa sa autopsy report, nakaangkon it 7 nga ka stab wounds do biktima, do mga patal nga lastro kada hay sa kilid it kilikili, likod ag liog kung siin naging dahilan it anang kamatayon.
Nasayuran man nga madueom ag uwa it CCTV sa area kung siin natabo do insedente rason nga nabudlayan do mga pulisya nga masayrang kung sino do suspek. MERIAM LUMBRES AGDIPA