Dead on arrival sa ospital ro sangka eaeaki matapos bun-on it anang kaugalingon nga manghud sa Sitio Mapait, Barangay Aranas, Balete Aklan.
Ginkilaea ro biktimang si Edelberto Resulta nga nag angkon it pagbuno sa dughan nga naging it kamatayun kara, samtang ro suspek nga anang manghud hay ginkilaea nga si Ronald Resulta.
Suno kay Police Major Bryan Alamo, hepe it Balete PNP, naga inuman ro biktima ag suspek kat makaangkon it argumento ro biktima ag misis kara kung siin, nag intra ro suspek.
Dikara ag nakaangkon it mainit nga argumento sa tunga it magmaeanghud nga nauli sa pagpamuno.
Nasaksihan pa segun ro kremin it daywa ka unga it biktima ngani igapaidaeum pa ro mga raya sa counselling.
Kasong Homicide ro igapasaka kontra sa suspek nga nakakulong makarun sa Balete MPS.
Mabahoe man ro pagnuoe it suspek sa ginhimo kara nga pagpatay sa anang igmanghud. // ANN DESLENE SALAZAR