KALIBO,AKLAN—Presenting naka kustodiya sa Kalibo MPS ru eaeaking naghana nga mag-eompat sa building sa Roxas Ave, Kalibo, Aklan kahapon.
Sa pahayag ni Deputy Chief it Kalibo MPS PMAJ Willian Aguirre, certified negotiator, kinahangean nga magaagi sa mental debriefing ag psychiatric analysis ru eaeaki nga naghana nga mag eompat sa bilding nga si certain Eger, 24 anyos, isang construction worker ag residente it Pob. Sindangan, Zamboanga Del Norte.
Kinahangean nga i-apply ru mga technic sa pag negosyar particular ru pagka eooy, rapport ag pagsalig nga ruyon ru gin apply sa eaeaki.
Gin pabatyag it pulis ru “Father and son relationship” hasta nga matawhay nga nag sunod si Alyas Eger.
Sa makaron, uwat plano pasakaan it kaso ag gina taw-an it konsiderasyon it Kalibo MPS ru eaeaki nga gin apathan nga may depression.
Presenting gina taw-an it attention ru eaeaki samtang sa kustodiya it Kalibo MPS.
Kun matandaan, naghatd it pagpakoeba sa mga residente ag mga nag responding PNP, BFP ag MDRRMO personnel sa insidente.
Plano it LGU-Kalibo nga pauli-on lang sa Zamboanga del Norte ru nasambit nga eaeaki.//MARIVIC Y. ILIN