Mukabat sa kapin 1Milyon pesos kantidad sa gituohang shabu ang nakompiska gikan sa usa ka electrician atol sa giksang drug buy bust operation sa mga personahe sa Maa Police Station.
Naaktuhan sa pagpamaligya ang suspek nga nailang si Bryan Binondo Mupac alyas “Bryan”, 36, gikonsiderang HVI-Top 1 City Level Target ug Top 2 Regional Level Target sa Blk 5 Marietta Village Tibungco alas-10:42 kagabii, Nobyembre 24, 2023.
Nakuha gikan sa iyang posisyon ang kinatibuk-ang kapin kon kulang 81.20 grams sa gituohang shabu nga dunay estimated street value nga Php 1,461,600.00 ug standard drug price nga Php 552,160.00.
Nakompiska sab gikan kaniya ang usa ka unit .38 revolver nga walay serial number, duha ka bala, Sling bag, cellphone ug IDs.
Gikustodiya na sa Maa Police Station samtang gihikay na ang kasong RA 9165 kon Comprehensive Dangerous Drugs Act of 2002 batok sa suspek.