Nakikiusap ang Philippine General Hospital (PGH) sa iba pang ospital na huwag munang dalhin sa kanila ang mga emergency cases.
Paliwanag ng PGH, nagkaroon kasi ng backlog sa kanilang mga pasyente dahil sa nangyaring sunog at punong-puno pa ang emergency room.
Nilinaw ng PGH na balik-operasyon naman ang iba nilang unit tulad ng outpatient department.
Samantala, wala namang naiulat na sugatan sa mga pasyente pero dalawang tauhan ng ospital ang na-admit matapos mahirapang huminga dahil sila ang unang rumesponde sa sunog.