Enrollment status sa Davao Region posibleng molapas sa target

Halos syento por syento na nga nakab-ot sa Department of Education-XI ang target nga numero sa mga estudyante karong tuiga sa Davao Region alang sa school year 2021-2022.

Sumala kang DepEd-XI Spokesperson Jenielito “Dodong” Atillo, as of 2:00 am karong September 15, 2021 miabot na sa 1, 285, 891 ang number of enrollees sa pampubliko ug pribado nga eskweklahan  alang karon nga school year o anaa sa 99.7%  gikan sa target population.

Alang sa paublic schools miabot sa 963, 986  ang naka-enroll; 82, 905 gikan sa private schools samtang gidugang ang numero gikan sa gihimong early registration.

Target sa ahensya karong tuiga ang ihap sa mga estudyante niadtong 2020-2021 nga anaa sa  1,289,331.

Positibo ang kagawaran sa edukasyon sa rehiyon onse nga makab-ot ang target ug malagpasan pa ang numero ilabi na nga nagpadayon ang enrollment human kini gilugwayan hantud sa kapatusan sa Setyembre.

Apan apela ni Atillo sa mga ginikanan nga mas maayong samtang sayo pa ipa-enroll na ang mga anak aron dili maulahi sa mga lesson bisan pa man modular o online  learning ang gisunod ug wala pay face-to-face classes. BNFM-DAVAO