GIPAABOT sa spokesperson sa City Health Office nga si Isagani Tillo, sa mga lumolopyo ning dakbayan sa Oroquieta nga adunay pagpamakuna para sa mga senior citizens karong bulan sa Mayo.
Ang pagpamakuna sa mga barangay sa dakbayan, adunay nay mga adlaw nga gigahin sa buhatan, diin pagasugdan ang paghatag ug serbisyo karong adlawa, Mayo 5 nga gikatakda sa Barangay Mobod, Poblacion 1 og Poblacion 2, ug ugmang adlawa Mayo 6 sa may Barangay Talic og Layawan, samtang karong umaabot nga Mayo 7 usab sa Barangay Lower Langcangan og Proper Langcangan.
Matud ni Tillo nga walay angay kabalak-an ang mga senior citizens, kung magpabakuna tungod kay sutaon una sa mga eksperto sa kahimsog sa panglawas kung aduna bay balatian ang mga bakunahan, ug kon angayan ba kini nga bakunahan o dili.(Sam Tizon)