GITUNOL na sa DENR Community Environment and Natural Resources Office sa Kiamba, Sarangani Province ang titulo sa yuta sa Bonifacio Estrada Orodio Elementary sa Barangay Datu Dani.
Matud ni CENR Officer Abdul Cariga, ang pag-award nila sa special patent aron masiguro ang land ownership of sa maong tulunghaan.
Tumong maprotektahan ang tulunghaan sa posible nga land conflict ug makatabang kini sa hangyo og dugang pondo sa infrastructure projects. Dugang ni Cariga, kini ang resulta sa memorandum of partnership agreement (MOPA) nga gipirmahan sa DENR ug LGU atong Marso.
Sa bahin ni Romeo Martin, opisyal sa Department of Education (DepEd) Sarangani, nagpasalamat sila sa pagkaangkon og titulo sa tulunghaan. Kahibaloan nga sa GenSan, pipila ka tulunghaan ang dili makahimo og infrastructure project tungod sa kwestyonable nga titulo sa yuta.